Спецпрадстаўнік Трампа адказаў Мядзведзеву: Заява не адпавядае статусу сусветнай дзяржавы
Кіт Келаг адказаў на выпад экс-прэзідэнта Расіі, які прыгразіў Трэцяй сусветнай.
«Развядзенне страхаў перад Трэцяй сусветнай вайной — гэта безадказная і недапушчальная заява з боку Дзмітрыя Мядзведзева, якая не адпавядае статусу сусветнай дзяржавы. Прэзідэнт Трамп прыкладае намаганні для спынення гэтага канфлікту і ратавання жыццяў. Мы па-ранейшаму чакаем атрымання расійскага мемарандума (дарожнай карты), які вы абяцалі перадаць тыдзень таму. Спыніце агонь неадкладна», — напісаў Кіт Келаг.
Нагадаем, што ўчора Дональд Трамп апублікаваў рэзкую заяву.
«Тое, чаго Пуцін не разумее, — гэта тое, што калі б не я, з Расіяй ужо шмат рэальна кепскага б здарылася, прычым РЭАЛЬНА КЕПСКАГА. Ён гуляе з агнём!», — напісаў Дональд Трамп кароткі пост у сваёй сацсетцы Truth Social.
Дзмітрый Мядзведзеў у адказ прыгразіў Трэцяй сусветнай.
«Што тычыцца слоў Трампа пра тое, што Пуцін «гуляе з агнём» і з Расіяй адбываюцца «сапраўды дрэнныя рэчы». Я ведаю толькі адну сапраўды дрэнную рэч — Трэцюю сусветную вайну. Я спадзяюся, Трамп гэта разумее!», — напісаў Мядзведзеў.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары