Падчас археалагічных раскопак у егіпецкім Луксоры навукоўцы выявілі тры грабніцы, што належалі высокапастаўленым асобам часоў Новага царства — прыкладна паміж 1539 і 1077 гадамі да н. э. Пра гэта паведамляе CNN са спасылкай на заяву Міністэрства турызму і старажытнасцяў Егіпта.
Пахаванні былі знойдзеныя ў некропалі Дра Абу эль-Нега. Міністр турызму і старажытнасцяў Егіпта Шэрыф Фатхі назваў гэтае адкрыццё значным.
З надпісаў унутры грабніц археолагі ўстанавілі імёны і тытулы тых, хто быў там пахаваны. Адна з грабніц належыць Амон-эм-Іпету — асобе, што, верагодна, была звязаная з культам бога Амона. Ён жыў у эпоху Рамесідаў (XIX—XX дынастыі) і, верагодна, служыў у храме.
У другой грабніцы пахаваны чалавек па імені Бака, які працаваў наглядчыкам збожжасховішча. Ягонае пахаванне мае складаную структуру: доўгі двор, другі двор, некалькі залаў і пахавальная шахта.
У трэцяй грабніцы знаходзіцца пахаванне Эса — наглядчыка храма Амона, мясцовага кіраўніка і пісара. Яна таксама мае двор, калодзеж і дзве залы, адна з якіх няпоўная.
У некаторых грабніцах частка малюнкаў захавалася — напрыклад, сцэны з людзьмі, што нясуць мэблю, і банкетам.
Навукоўцы плануюць працягваць працу па ачыстцы і даследаванні гэтых грабніц.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос13
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4949
Каментары