Служба бяспекі Украіны заявіла пра новую спецаперацыю, якая доўжылася некалькі месяцаў. Паводле іх звестак, сёння раніцай СБУ падарвала частку апоры Крымскага моста на ўзроўні дна.
Украінцы сёння зноў спрабавалі падарваць Крымскі мост, але той устаяў. Кадры ўдары распаўсюдзіла Служба бяспекі Украіны.
«Агенты СБУ замініравалі апоры моста. І сёння, без ахвяр сярод мірнага насельніцтва, а 4:44 раніцы была актываваная першая выбуховая прылада, — гаворыцца ў паведамленні СБУ. — Падводныя апоры моцна пашкоджаныя на ўзроўні дна — 1100 кілаграмаў выбухоўкі ў трацілавым эквіваленце гэтаму паспрыялі.
Фактычна мост знаходзіцца ў аварыйным стане», — сцвярджае ўкраінская спецслужба.
Крымскія паблікі сёння ранкам паведамлялі аб закрыцці моста на некалькі гадзін, але ў 9 раніцы ён быў адкрыты. Прычынай закрыцця моста расіяне пасля называлі збіццё дрона.
Каментары
а вам зараз канапныя героі растлумачаць як трэба руйнаваць масты