Пенсіянеркі ў Брэсце рашылі разабрацца з бяздомнымі катамі, бо тыя «гадзілі на кветкі»
Бабулі вылівалі на люкі ў двары мазь Вішнеўскага. У справу ўмяшалася міліцыя.
Відэа з брэсцкімі пенсіянеркамі апублікавалі ў тыктоку. У двары на вуліцы Кірава яны вылівалі на люкі мазь Вішнеўскага — казалі, што незадаволеныя бяздомнымі катамі, якія «гадзілі на кветкі».
Жанчына, што іх здымала, вырашыла, што так бабулі хочуць патравіць катоў. Відэа назбірала амаль 1,5 мільёны праглядаў. У каментарыях меркаванні раздзяліліся: нехта заступіўся за жывёл, хтосьці — за бабуль.
У справу ўмяшалася і міліцыя: яны высветлілі, што 74-гадовая жыхарка прачытала, што мазь Вішнеўскага можа спужаць жывёл і прымусіць іх сысці з тэрыторыі. Усе каты засталіся жывыя.
«Намеру на атручванне катоў у яе не было», — кажуць у ведамстве.
Цяпер чытаюць
Зорка брэйкдансу з Віцебска атрымаў 11 гадоў турмы ў Кітаі. Што здарылася?3
Каментары