Пенсіянерку палохалі ператрусам за незадэклараваныя грошы. Яна перадала махлярам 160 тысяч даляраў
Мінчанцы патэлефанавалі нібыта прадстаўнікі «Белтэлекама». Далей ёй патэлефанаваў лжэправаахоўнік, які папярэдзіў жанчыну аб ператрусе, бо ёсць звесткі пра наяўнасць у яе незадэклараваных грошай.
Каб захаваць наяўныя, іх неабходна было перадаць кур’еру Нацбанка, у ролі якога ў дадзеным выпадку выступіла іншая жыхарка сталіцы, раней падманутая такім жа спосабам, пішуць Мінск-навіны.
Пасланца, якая забрала ў пенсіянеркі каля 150 тыс. даляраў і больш за 14 тыс. еўра, устанавілі сапраўдныя сілавікі.
Падобныя выпадкі не адзінкавыя. Махляры дзейнічаюць хутка, не пакідаючы ахвяры часу асэнсаваць і крытычна ацаніць тое, што адбываецца. Людзей запалохваюць неспрыяльнымі для іх наступствамі, прымушаюць хвалявацца.
Чалавек у стрэсе досыць паслухмяна выконвае інструкцыі ад несумленных асоб і можа апамятацца праз гадзіны, а то і дні.
Цяпер чытаюць
Даследчыкі знайшлі месца ў Беларусі, дзе базуецца «Арэшнік»4
Каментары