Украінскі батальён у паніцы пакінуў Гуляйполе пасля ўваходу ў горад расійскіх штурмавікоў
Камандны пункт УСУ ў Гуляйполі пакінулі без бою з-за панікі асабовага складу і нядбайных дзеянняў камандзіраў, нягледзячы на тое, што ў горад зайшла інфільтраваная група толькі з трох вайскоўцаў РФ, паведаміў «Суспільнаму» камандзір 1‑га штурмавога палка Дзмітрый Філатаў.
Паводле слоў Філатава, украінскіх байцоў было дастаткова, каб адбіць атаку, а сродкі і носьбіты інфармацыі з камандна-назіральнага пункта не былі знішчаны.
25 снежня расійскія каналы распаўсюдзілі відэа з цэнтра Гуляйполя (Запарожская вобласць), дзе паказалі захоплены камандна-назіральны пункт (КНП) 1‑га батальёна 106‑й брыгады тэрытарыяльнай абароны Украіны. На кадрах бачны мапы, пячаткі, ноўтбукі і нават незапаролены смартфон з перапіскай.
Камандны пункт размяшчаўся ўсяго за 700 метраў ад лініі фронту, што эксперты называюць «грэбаваннем базавымі прынцыпамі бяспекі».
Камандзір 1‑га штурмавога палка Дзмітрый Філатаў заявіў, што КНП быў пакінуты «без бою праз паніку». Паводле яго слоў, у будынак прасачыліся ўсяго трое расійскіх вайскоўцаў, якія пачалі штурм без падтрымкі артылерыі, але ўкраінскія афіцэры замест адпору надумалі адступіць, не знішчыўшы пры гэтым носьбіты інфармацыі.
Вайсковыя эксперты адзначаюць, што страта КНП — гэта найперш рэпутацыйны ўдар і прыкмета «хаосу ў кіраўніцтве».
Галоўная праблема ў тым, што батальён на пэўны час страціў кіраванне, што дазваляе расіянам прасоўвацца ўглыб Гуляйполя.
Аналітыкі зазначаюць, што Гуляйполе ператвараецца ў «вялікую шэрую зону», дзе вулічныя баі ідуць за кожны дом, а расіяне маюць колькасную перавагу.
На гэты момант камандзір батальёна адхілены ад пасады.
Спікер Сіл абароны Поўдня Уладзіслаў Валошын заявіў, што ідзе расследаванне і вывучэнне сітуацыі ў Гуляйполі, пасля чаго інфармацыю апублікуюць, нічога хаваць не будуць.
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары
[Зрэдагавана]