Японскі метад 6 — 6 — 6 дапамагае знізіць стрэс і падтрымаць форму
У свеце, дзе фітнес часта асацыюецца з высокімі нагрузкамі, японскі падыход прапануе супрацьлеглае: рытм, рэгулярнасць і ўмеранасць. Метад хадзьбы 6-6-6, які набірае папулярнасць у Азіі і Еўропе, паказвае, што эфектыўная фізічная актыўнасць не абавязкова мусіць быць стомнай — і можа адначасова зніжаць стрэс, падтрымліваць псіхічнае здароўе і спрыяць зніжэнню вагі.
Як піша Well.pl, назва метаду адсылае да яго простай, але лагічна выбудаванай структуры.
Трэніроўка пачынаецца з кароткай размінкі, якая доўжыцца шэсць хвілін і дазваляе паступова падвысіць пульс, падрыхтаваць сэрца і сасуды да далейшай нагрузкі.
Асноўную частку складаюць 60 хвілін энергічнай хадзьбы ва ўстойлівым тэмпе, якая забяспечвае арганізм неабходнай аэробнай актыўнасцю.
Завяршаецца шпацыр шасцю хвілінамі спакойнага руху, што дапамагае целу вярнуцца да фізіялагічнай раўнавагі і знізіць узровень напружання.
Часта метад практыкуюць раніцай або ўвечары — каля шостай гадзіны, а сам шпацыр паўтараюць шэсць разоў на тыдзень. Аднак строгай прывязкі да часу не існуе: 6-6‑6 лёгка адаптаваць пад індывідуальны распарадак дня, што і робіць яго прывабным для людзей з насычаным графікам.
Па сваёй сутнасці гэта паўнавартасная фізічная актыўнасць, якая не патрабуе спартыўнай формы, спецыяльнага рыштунку або адведзенага месца. Такі шпацыр можна сумясціць з дарогай на працу, сустрэчай ці звычайным вяртаннем дадому.
Што кажуць даследаванні
У сярэднім гадзіна энергічнай хадзьбы — гэта каля пяці з паловай тысяч крокаў, што складае больш за палову мінімальнай дзённай нормы, якую рэкамендуюць для офісных работнікаў. Пры гэтым арганізм атрымлівае раўнамерную нагрузку без рэзкіх скачкоў пульсу і празмернага ціску на суставы. Менавіта таму хадзьба ўсё часцей разглядаецца навукоўцамі як адна з найбольш недаацэненых форм фізічнай актыўнасці.
Даследаванні апошніх гадоў паказваюць, што рэгулярныя прагулкі здольныя запавольваць працэсы старэння, зніжаць рызыку развіцця гіпертаніі, хранічных захворванняў і некаторых анкалагічных хвароб, а таксама паляпшаць якасць сну. Асаблівую ўвагу даследчыкі надаюць уплыву хадзьбы на псіхічнае здароўе.
Аналіз звестак сведчыць, што каля дзвюх з паловай гадзін энергічнай хадзьбы на тыдзень істотна зніжаюць рызыку дэпрэсіі. Гадзіна руху ў тэмпе прыкладна восем кіламетраў за гадзіну можа спаліць да шасцісот калорый. Для параўнання паўгадзіны лёгкага бегу спальвае ў сярэднім 300—350 калорый, але з куды большым стрэсам для арганізма.
Чаму 6-6‑6 пасуе сучаснаму ладу жыцця?
Хоць многія дагэтуль не ўспрымаюць шпацыр як «сапраўдны» спорт, менавіта ён можа стаць устойлівай звычкай для тых, хто не любіць спартзалы або інтэнсіўныя трэніроўкі. Галоўныя вартасці метаду — гнуткасць і мінімалізм. Метад 6-6‑6 не абяцае імгненнай трансфармацыі цела. Затое ён прапануе нешта значна больш каштоўнае і доўгатэрміновае — стабільнае самаадчуванне, лепшую фізічную форму і больш ясную галаву ў штодзённым жыцці.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
Движение 8 км/ч это бег!, а не ходьба. И да, если принять, что час бега сжигает 600 кк (килокалорий, а не просто калорий - сразу видно, что писали профессионалы), то полчаса бега, соответственно, сожжёт половину от 600, т.е. 300 кк.