Мядзінскі хоча адправіць генсаку НАТА падручнік гісторыі, каб даказаць, што «Украіны ў XII стагоддзі не было»
Марк Рутэ заявіў, што для дасягнення міру перамовы павінен весці Уладзімір Пуцін, а не гісторык, які стаміў усіх сваімі расповедамі.
Генсакратар НАТА Марк Рутэ раскрытыкаваў расійскую дэлегацыю, якая правяла два раўнды перамоваў з Украінай.
Рутэ ў Лондане заявіў, што за сталом перамоваў павінен быць Уладзімір Пуцін, а не гісторык Уладзімір Мядзінскі, які стаміў усіх бессэнсоўнымі экскурсамі ў Сярэднявечча.
«Каб скончыць гэтую вайну, трэба, каб Пуцін сеў за стол перамоваў. А не гэты гісторык, які з'яўляецца ў Стамбуле і зноў расказвае нам пра гісторыю Расіі і Украіны, пачынаючы з нейкага XII стагоддзя.
Я не ведаю, што гэта было. Ён увесь час паўтарае тое, што яны ўжо заяўлялі ў 2022 годзе. Патрэбна сур'ёзная Расія, якая хоча весці перамовы і скончыць вайну», — сказаў Рутэ.
Мядзінскі адрэагаваў на словы генеральнага сакратара НАТА своеасабліва. Ён прапанаваў адправіць Рутэ расійскі школьны падручнік гісторыі.
«Я ведаю, што спадар Рутэ вывучаў гісторыю ва ўніверсітэце, але я б абавязкова яму паслаў папярэдні школьны падручнік гісторыі Сярэднявечча, таму што з яго ён дакладна б даведаўся, што ў XII стагоддзі Украіны не было», — сказаў Мядзінскі ТАСС.
Уладзімір Пуцін і расійская прапаганда актыўна выкарыстоўваюць гістарычныя аргументы як абгрунтаванне агрэсіўнай вайны супраць Украіны. Мядзінскі на перамовах у Стамбуле рабіў адсылкі да Паўночнай вайны як паказчык таго, што Расія можа ваяваць бясконца.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м108
Каментары
хай будзе, ўпэўнены, будзе рагатач)))