16 чэрвеня міністр замежных спраў Беларусі Максім Рыжанкоў сустрэўся з паслом Ірана ў Беларусі Алірэзой Санэі. Падчас сустрэчы бакі абмеркавалі напружаную сітуацыю, якая склалася паміж Ізраілем і Іранам, паведамляе прэс-служба МЗС.
Фота: mfa.gov.by
Максім Рыжанкоў падкрэсліў, што Беларусь выступае за мірны шлях вырашэння канфліктаў праз дыялог і перамовы. Ён адзначыў, што сілавы сцэнарый стварае сур'ёзную пагрозу як для рэгіянальнай, так і для міжнароднай бяспекі, асабліва ў кантэксце атак на іранскія ядзерныя аб’екты, якія знаходзяцца пад кантролем МАГАТЭ.
Пасол Ірана, у сваю чаргу, прадставіў іранскі погляд на канфлікт, выказаў занепакоенасць ростам ахвяр сярод мірнага насельніцтва і выклаў падыходы Ірана да мірнага ўрэгулявання.
Ціханоўскі патлумачыў, чаму ён так паводзіў сябе ў Нью-Ёрку115
Каментары