У ЗША дактары адключылі ад апарата 31-гадовую амерыканку — яна нарадзіла ў коме
Рашэнне было прынята пасля таго, як яна нарадзіла дзіця 17 чэрвеня.
На момант смерці мозгу Адрыяна Сміт была на восьмым тыдні цяжарнасці, піша Расійская служба Радыё Свабода.
У Джорджыі аборты заканадаўча забаронены з шостага тыдня, калі цяжарнасць не пагражае жыццю маці. Лекары палічылі, што падтрыманне біялагічнага жыцця Сміт было адзіным спосабам захаваць жыццё дзіцяці без парушэння закону.
Хлопчык нарадзіўся ў пятніцу. Дзіця назвалі Чэнс («Шанец»). Ён знаходзіцца пад кантролем дактароў, паведамляецца, што яго жыццю нічога не пагражае. Пра смерць Сміт паведаміла ў сераду кангрэсвумен Аяна Прэслі.
«Я смуткую разам з яе сям’ёй па гэтай цяжкай страце. Па страце іх любай маці і дачкі. І па страце свабоды чалавека самастойна прымаць фундаментальныя медыцынскія рашэнні», — напісала яна ў інстаграме.
Былы сенатар штата Эд Сэтцлер, які выступіў сааўтарам законапраекта аб абмежаванні абортаў у штаце, раней заяўляў, што падтрымлівае рашэнне дактароў. Нараджэнне дзіцяці або біялагічную смерць Сміт ён не каментаваў.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары
закон === закон , -ну
Фэміністкі: Гэта прыгнёт! У жанчыны не спыталі!