Мёртвым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ
Трагічна загінуў беларускі апазіцыйны актывіст, сябра Сойму Партыі БНФ Зміцер Каспяровіч.
Цела Змітра знайшлі ў яго дома ў Варшаве. Вядома, што смерць 43-гадовага мужчыны наступіла не ў выніку натуральных прычын, але што адбылося — пакуль невядома.
Першым пра смерць Каспяровіча паведаміў тэлеграм-канал Nexta. Крыніцы «Нашай Нівы» пацвердзілі гэтую інфармацыю.
Каспяровіч быў у апазіцыі з юных гадоў, актыўна ўдзельнічаў у розных рухах, быў сябром Сойма Партыі БНФ, а зарабляў як прадпрымальнік.
У 2022-м годзе Дзмітрый выехаў з Беларусі і прызнаўся, што супрацоўнічаў з беларускімі спецслужбамі. З ягонага прызнання многае заставалася няясным — было ясна толькі, што гэтая супраца магла быць даўняй.
Упершыню Змітра Каспяровіча судзілі ў 2006 годзе. За сарваны чырвона-зялёны сцяг яму прызначылі пяць месяцаў арышту.
Чытайце таксама: «Я сам выйшаў на КДБ і прапанаваў ім супрацоўніцтва». Сябра Сойма Партыі БНФ Зміцер Каспяровіч прызнаўся ў супрацоўніцтве са спецслужбамі
Цяпер чытаюць
Мёртвым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ12
Каментары