Беларус, што жорстка ўдарыў паўтарагадовага хлопчыка ў маскоўскім аэрапорце, быў пад наркотыкамі
31-гадовы Уладзімір Віткоў прыляцеў з Каіра, а не Кабула, як паведамлялася раней.
У зоне атрымання багажу ён раптам падышоў да афганскай сям’і, якая прыляцела з Кабула, схапіў паўтарагадовага Махамада Афзала, што стаяў каля валізкі, падняў над сабой і потым з усяго размаху кінуў яго галавой аб падлогу.
Потым адзеў акуляры і адышоў. Паводле слоў відавочцаў, прычын для агрэсіі ў мужчыны не было, піша 112.
Віткова затрымалі, а дзіця экстрана шпіталізавалі ў цэнтр Рашаля. Там у яго дыягнаставалі пералом хрыбетніка і чэрапа.
Малы знаходзіцца ў коме. Пры медыцынскім аглядзе было ўстаноўлена, што Віткова ў крыві выяўлены сляды канабісу.
Матывы жорсткага ўчынку высвятляюць следчыя. Заведзена крымінальная справа.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1
Каментары