Трамп заявіў, што выратаваў вярхоўнага лідара Ірана ад «ганебнай смерці»
Прэзідэнт ЗША Дональд Трамп паведаміў, што нядаўна разглядаў магчымасць зняцця санкцый супраць Ірана, каб дапамагчы краіне хутчэй аднавіцца. Аднак, маўляў, пасля рэзкіх выказванняў лідара Ірана аяталы Алі Хаменеі ён адмовіўся ад гэтай ідэі.
Трамп заявіў у сацсетцы Truth Social, што замест удзячнасці ўбачыў толькі злосць і нянавісць, таму адразу спыніў спробы змякчыць санкцыі.
Сцвярджэнні Хаменеі, якія прагучалі ў тэлезвароце, які выйшаў напярэдадні, Трамп назваў «нахабнымі і дурнымі» і ахарактарызаваў як хлусню.
Ён папярэдзіў, што Ірану варта вярнуцца да нармальных міжнародных адносін, інакш становішча краіны пагоршыцца.
Таксама Трамп сказаў, што нібыта ведаў, дзе знаходзіцца Хаменеі, але не дазволіў бы Ізраілю забіць яго. Трамп заявіў, што выратаваў вярхоўнага лідара Ірана ад «ганебнай смерці». Пры гэтым ён асудзіў словы іранскага лідара пра перамогу над ЗША і Ізраілем, назваўшы гэта хлуснёй і дурнотай.
«Сіянісцкі рэжым амаль рухнуў». Вярхоўны лідар Ірана абвясціў перамогу над Ізраілем
Хаменеі перадаў Пуціну ліст
Прэзідэнт Ізраіля: Мы не ставім за мэту зрынуць Хаменеі, але гэта можа быць пабочным эфектам з вялікімі гістарычнымі наступствамі
Пяскоў: Забойства Вярхоўнага лідара Ірана Хаменеі «адкрые скрыню Пандоры»
Каментары