У ноч на 29 чэрвеня Расія запусціла 477 беспілотнікаў і 60 ракет па ўкраінскіх гарадах. Пад атаку трапілі і заходнія рэгіёны, аддаленыя ад лініі фронту.
Прадстаўнік Ваенна-паветраных сіл Украіны Юрый Ігнат, пацвердзіў Associated Press, што атака стала «самым масіраваным авіяўдарам» з пачатку поўнамаштабнай вайны ў лютым 2022 года, піша The Kyiv Independent.
ВПС Украіны позна ўвечары 28 чэрвеня папярэдзілі, што Расія запусціла тры бамбавікі Ту-95 з вайсковага аэрадрома Аленья ў Мурманскай вобласці. Паведамлялася, што ўзляцеў расійскі МіГ-31К — рэактыўны самалёт, здольны несці балістычныя ракеты «Кінжал». Ваенна-паветраныя сілы папярэджвалі, што крылатыя ракеты накіроўваюцца ў некалькі рэгіёнаў, уключаючы Тэрнопальскую, Львоўскую і Івана-Франкоўскую вобласці на захадзе Украіны.
Паведамлялася пра шасцярых пацярпелых у Чаркасскай вобласці.
Масіраваная атака адбылася на наступны дзень пасля таго, як прэзідэнт Расіі Уладзімір Пуцін заявіў журналістам, што Масква гатовая правесці яшчэ адзін раўнд мірных перамоў. Украінская і расійская дэлегацыі ўжо правялі дзве прамыя сустрэчы ў Стамбуле, але абмеркаванні не прынеслі асаблівых вынікаў, акрамя скаардынаванага абмену палоннымі.
Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах3
Каментары