На драфце НХЛ першым з беларусаў выбралі 17-гадовага брамніка са спартыўнай дынастыі
На драфце НХЛ, які зараз праходзіць у Лос-Анджэлесе, першым з беларусаў стаў не чаканы фаварыт — нападаючы мінскага «Дынама» Ягор Борыкаў, а 17-гадовы брамнік Арсень Радзькоў, які выступае за «Цюменскі легіён» у Маладзёжнай хакейнай лізе.
Клуб НХЛ «Манрэаль» выбраў Арсеня ў трэцім раўндзе пад агульным 82-м нумарам.
Арсень — сын калісьці вядомага беларускага футбаліста, а цяпер трэнера Арцёма Радзькова, які ўзначальвае кіпрскі клуб «Арыс» з Лімасола.
У папярэднім сезоне беларус адыграў 19 матчаў у Маладзёжнай хакейнай лізе за «Цюменскі легіён», у сярэднім адбіваючы 92% кідкоў. Таксама ў актыве Арсеня некалькі гульняў за юнацкую зборную Беларусі. Наступны сезон Радзькоў правядзе ў амерыканскай лізе NCAA ў складзе каманды ўніверсітэта Масачусетса.
Арсень Радзькоў стаў чацвёртым беларускім галкіперам у гісторыі, якога задрафтаваў клуб НХЛ.
Што тычыцца 19-гадовага форварда мінскага «Дынама» Ягора Борыкава, то яго выбраў у 4-м раўндзе клуб «Юта Мамант». Ягоны агульны драфтавы нумар — 110-ы.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра18
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»99
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»9
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары