Украінцы знішчылі два расійскія самалёты на аэрадроме пад Валгаградам, яшчэ два пашкоджаныя
Сілы спецыяльных аперацый Узброеных сіл Украіны і Служба бяспекі Украіны правялі сумесную спецаперацыю, у выніку якой на расійскім вайсковым аэрадроме Марынаўка ў Валгаградскай вобласці былі знішчаныя два самалёты Су-34 і яшчэ два пашкоджаныя, паведаміла прэс-служба СБУ.
Гэтыя шматфункцыянальныя знішчальнікі Расія актыўна выкарыстоўвае на фронце для бамбаванняў, у тым ліку з прымяненнем авіябомбаў КАБ.
Паведамляецца, што ўкраінскія сілы атакавалі аэрадром з дапамогай дальнабойных дронаў. У выніку ўдару таксама ўзнік пажар у тэхнічна-эксплуатацыйнай зоне аэрадрома, якая з’яўляецца важнай часткай інфраструктуры: менавіта там рыхтуюць самалёты да вылетаў, абслугоўваюць і рамантуюць.
Украінскія спецслужбы адзначаюць, што працягваюць працу па аслабленні авіяцыйнага патэнцыялу расійскай арміі. Вайсковыя аэрадромы і авіяцыя, нават у глыбокім тыле ворага, з’яўляюцца законнай цэллю.
«Па Марынаўцы нешта каментаваць сэнсу не мае. Чарговыя шматмільярдныя страты, якія можна і трэба было прадухіліць», — напісаў аўтар Z-канала Fighterbomber, які спецыялізуецца на авіяцыйных пытаннях.
З'явілася новае ВІДЭА спецаперацыі СБУ «Павуцінне»: з камеры, замацаванай на самім дроне
Чалы прааналізаваў дэталі ўкраінскай аперацыі «Павуцінне» і прыйшоў да нечаканай высновы
Зяленскі расказаў, чыя зброя выкарыстоўвалася ў аперацыі «Павуцінне»
Расія не зможа аднавіць страты дальняй авіяцыі пасля ўкраінскай аперацыі «Павуцінне»
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары