Камандзір чачэнскага спецназу назваў журналістаў «петухамі» і паказаў, што носіць гадзіннік за 250 тысяч еўра
Камандзір чачэнскага добраахвотніцкага падраздзялення «Ахмат» і адначасова намеснік кіраўніка галоўнага вайскова-палітычнага ўпраўлення Узброеных сіл Расіі Апці Алаўдзінаў паведаміў пра затрыманне чачэнца, які раней напаў на супрацоўніка расійскай вайсковай паліцыі ў Белгарадскай вобласці. Але адначасова не ўтрымаўся ад рэзкіх слоў на адрас суразмоўцаў і паказаў, што валодае вельмі статуснай рэччу.
Днямі ў сеціве з'явілася відэа, дзе чачэнскія байцы, якіх спыніла вайсковая паліцыя за парушэнне правіл дарожнага руху, ублыталіся ў бойку з паліцэйскімі. Адзін з тых, хто напаў, раней працаваў начальнікам аховы ў сваяка Рамзана Кадырава.
Тлумачачы сітуацыю, Алаўдзінаў заявіў, што чачэнец, які напаў на вайсковую паліцыю, не мае дачынення да яго падраздзялення.
Ён заклікаў не звязваць здарэнне з нацыянальнасцю затрыманага і рэзка выказаўся ў бок тых, хто патрабуе тлумачэнняў: «Вы ўсе — петухі».
Паводле яго слоў, недарэчна чакаць каментароў па гэтым інцыдэнце ад яго, як быццам ён генеральны пракурор ці старшыня Следчага камітэта, і некарэктна звальваць усе злачынствы на тую ці іншую нацыянальнасць.
У той жа час выданне Astra заўважыла, што на відэа, дзе Алаудзінаў выступае з заявай, на яго руцэ з’явіўся дарагі швейцарскі гадзіннік Badollet, цана якога можа дасягаць ад 165 да 272 тысяч еўра. На адным кадры гадзіннік быў «заблюраны», але на іншым — добра бачны.
Цяпер чытаюць
Прапаганда рыхтуе грамадства да загадкавай «працяглай камандзіроўкі» Лукашэнкі31
Каментары