«Ахранець проста. Купляйце беларускае». Пакупніца абурылася напаўгнілымі кабачкамі ў краме
У краме «Святлафор» у Ждановічах пакупніца заўважыла напаўгнілыя кабачкі. Цана на іх — 4,65 рубля за кілаграм.
«Чаму іх ніхто дагэтуль не штрафуе за такую хрэнь. Паглядзіце, што яны прадаюць», — перабірае жанчына сапсаваныя кабачкі. Відэа з крамы ў тыктоку яна запісала 28 чэрвеня.
«Няма слоў — адны эмоцыі. Ахранець проста. Купляйце беларускае, усё свежае, ураджай 2025 года», — у шоку пакупніца ад якасці пладоў.
Асцярожна: у відэа ёсць нецэнзурная лексіка.
У каментарах некаторыя дзеляцца, што ў крамах «Святлафор» часта прадукты нізкай якасці. «Нічога дзіўнага, міма замарожанай рыбы заўсёды з закрытымі вачыма праходжу. Страшна глядзець. Анучы, губкі, паперу і якіясь гаспадарчыя тавары браць можна, а вось з ежай лепш не рызыкаваць».
«Што вы хочаце ад «Святлафора»? Я там толькі вёдры на дачу для смецця купляў, для прадуктаў ёсць іншыя крамы».
Але праблемы бываюць у розных крамах.
«У Магілёве на Палявой такая капуста свежая ляжала дзён 5 таму. Прадаўцы на заўвагу адказалі: не падабаецца, не бярыце», — пішуць у каментарах.
«У Мазыры такія ж бачыла».
«Таму што свежая прадукцыі, трэба акуратненька з імі абыходзіцца, а не перасыпалі сюды, паклалі туды. Яны стукнуліся — і ўсё, і прадукты цямнеюць», — тлумачаць такі выгляд кабачкоў.
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»7
Каментары
Заявляю официально. Мы такое хавать не будем