На Пінскім суднабудаўнічым і суднарамонтным заводзе плануюць наладзіць вытворчасць невялікіх рачных суднаў. Пра гэта паведаміў кіраўнік Брэсцкага аблвыканкама Пятро Пархомчык падчас візіту ў Пінск.
Паводле слоў чыноўніка, цяпер ідуць перамовы пра будаўніцтва суднаў. Падпісанне кантрактаў на 10 розных тыпаў суднаў знаходзіцца на фінальнай стадыі. Гэта толькі першы крок — далей плануецца, што прадпрыемствы з расійскага Ніжняга Ноўгарада дапамогуць наладзіць вытворчасць суднаў непасрэдна ў Беларусі.
Апроч расійскіх партнёраў, вядуцца перамовы і з іншымі краінамі. У ліпені чакаецца прыезд прадстаўнікоў з Кітая, якія могуць прапанаваць свае ідэі.
Пархомчык адзначыў, што падпісаны ўказ Лукашэнкі аб развіцці Пінскага завода. Прадпрыемства пачынае рамонт старых суднаў і паступова аднаўляецца, хоць знаходзіцца ў стане санацыі. Для далейшага развіцця, на ягоную думку, патрэбныя моцны кіраўнік, новая каманда і адпаведныя веды.
Мэта — стварыць прадпрыемства, здольнае выпускаць невялікія рачныя судны, якія спатрэбяцца для развіцця воднага турызму. Гэта дасць магчымасць турыстам падарожнічаць па беларускіх рэках, адпачываць і атрымліваць асалоду ад прыроды.
Пархомчык таксама адзначыў, што турыстычны патэнцыял Брэсцкай вобласці выкарыстоўваецца недастаткова. Новыя магчымасці воднага транспарту могуць стаць яшчэ адным шляхам для павелічэння экспарту і прыцягнення турыстаў.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць7
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5858
Каментары