А вось рэйтынг цяперашняга галоўнакамандуючага УСУ Аляксандра Сырскага істотна ніжэйшы.
Валерый Залужны, пасол у Вялікабрытаніі і былы галоўнакамандуючы Узброенымі сіламі Украіны, застаецца публічнай асобай Украіны з самым высокім рэйтынгам даверу. Пра гэта сведчаць даныя новага апытання, апублікаваныя сацыялагічнай групай «Рэйтынг» 9 ліпеня.
Апытанне, праведзенае 4 і 5 ліпеня, паказала, што 73% украінцаў давяраюць Залужнаму, які займаў пасаду галоўнакамандуючага ўкраінскай арміяй да лютага 2024 года і арганізаваў адпор расійскай агрэсіі.
Высокі давер захоўвае і прэзідэнт ваеннага часу — Уладзіміру Зяленскаму давяраюць 67% апытаных.
На трэцім месцы — кіраўнік украінскай вайсковай разведкі ГУР Кірыла Буданаў. 56% украінцаў яму давяраюць.
Цяперашні галоўнакамандуючы УСУ Аляксандр Сырскі менш папулярны: у яго толькі 41% падтрымкі.
Па стане на люты 2024 года галоўнакамандуючаму Узброеных сіл Аляксандру Сырскаму выказвалі давер 40% украінцаў. Яго папярэднік Валерый Залужны на той момант захоўваў самы высокі давер у краіне — 94%. Такія вынікі дало апытанне Кіеўскага міжнароднага інстытута сацыялогіі 5—10 лютага 2024 года.
Значна знізіўся давер да прэм'ер-міністра Дзяніса Шмыгаля, адказнага за эканамічную палітыку: толькі 25% апытаных сказалі, што давяраюць яму. Зрэшты, многія кіраўнікі еўрапейскіх урадаў пра такі рэйтынг могуць толькі марыць.
-
Вэнс пачаў дыстанцыявацца ад Трампа пасля паразы рэспубліканцаў на выбарах і прасоўвае ўласны брэнд з прыцэлам на 2028 год
-
Параненых у Кракаве паліцыянтаў выратавалі два вядомыя хірургі: яны абедалі побач і кінуліся на дапамогу
-
Газ у Еўропе падаражэў утрая. Высокія рахункі могуць застацца яшчэ на некалькі гадоў
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку27
Каментары