Міністэрства антыманапольнага рэгулявання і гандлю правяло праверкі на асноўных рынках краіны і выявіла шэраг парушэнняў. У выніку было выдадзена больш за 300 рэкамендацый тым прадпрымальнікам, чыя дзейнасць не была афіцыйна зарэгістраваная ў Гандлёвым рэестры.
Парушэнні зафіксавалі на мінскіх рынках «Камароўка», «Тутэйшы», «Чыжоўскі», «Малінаўка», а таксама на рынку «Новы Лебядзіны» каля сталіцы.
Акрамя таго, парушэнні былі выяўлены на «Брэсцкім рынку», «Смаленскім рынку» ў Віцебску, «Гомельскім цэнтральным рынку», «Цэнтральным рынку» ў Гродне і на «Цэнтральным рынку Магілёва».
Інфармацыя пра недахопы была перададзена ў аблвыканкамы, каб тыя прынялі неабходныя меры.
Сярод іншых парушэнняў, адзначаных МАРГ:
- на рынку «Тутэйшы» зноў выявілі продаж пратэрмінаванага сыру;
- на «Брэсцкім рынку» асобныя індывідуальныя прадпрымальнікі прадавалі гародніну па завышаных коштах;
- на «Новым Лебядзіным» некаторыя прадпрымальнікі і дзве фірмы хавалі частку выручкі і пазбягалі выплаты падаткаў — гэтыя матэрыялы ўжо перададзеныя ў Міністэрства па падатках і зборах.
МАРГ таксама паведаміў, што рыхтуецца новы прававы акт, які ўзмоцніць адказнасць адміністрацый рынкаў і прадаўцоў за парушэнні. Мэтай яго заяўляецца «навядзенне парадку» на рынках краіны.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі3
Каментары