На наступным тыдні ў Беларусі лепш не купацца на некаторых пляжах, паведамілі ў Рэспубліканскім цэнтры гігіены, эпідэміялогіі і грамадскага здароўя. Спецыялісты праверылі ваду ў вадаёмах — у 20 выпадках з 593 даследаванняў былі выяўленыя парушэнні гігіенічных нормаў па мікрабіялогіі.
Часова забаронена купанне, але дазволены водны спорт на пляжы «Заходні» на рацэ Сож у Гомелі.
Захоўваюцца і ранейшыя абмежаванні: купацца і займацца воднымі відамі спорту нельга на пляжы «Абкамаўскі» ў Гомелі, у правабярэжных зонах адпачынку ў Мазыры, на пляжы №2 возера Юбілейнае ў Гродне, а таксама на некаторых пляжах на Дняпры — у Жлобіне, каля Цэнтра алімпійскага рэзерву і ў аграгарадку Палыковічы Магілёўскага раёна.
Купанне дзяцей і дарослых таксама прыпынена, але водны спорт дазволены на Цэнтральным пляжы і ва ўрочышчы Ласосна ў Гродне на Нёмане, і на пляжы на Дняпры ў Жлобіне (парк «Прыдняпроўскі»).
Для дзяцей абмежавана купанне (дарослым можна купацца, водны спорт дазволены) у Брэсце — на зоне адпачынку па вуліцы Кастрычніцкай Рэвалюцыі, на пляжы «Усход» (рака Мухавец), а таксама азёрах Белае (пасёлак Белае Возера і база адпачынку чыгункі ў Брэсцкім раёне), Рагазянскае (пасёлак Бярэсце Брэсцкага раёна), Мяднянскае (вёска Медна Брэсцкага раёна), Гусінае (аграгарадок Кадзіна Магілёўскага раёна), пляжы санаторыя «Сосны» (рака Прыпяць у Мазырскім раёне), на сажалцы каля аграгарадка Луцкаўляны Гродзенскага раёна, пляжах на Дняпры і Пячэрскім вадасховішчы (Магілёў).
У той жа час знятая забарона на купанне і водны спорт на пляжы №3 на Сожы ў аграгарадку Ліцвінавічы Кармянскага раёна.
Каментары