Ціханоўскі адказаў Лукашэнку наконт палітвязняў: Проста зараз 20 аўтобусаў будзе на мяжы, трэба будзе, будзе 100 — забярэм усіх
Сяргей Ціханоўскі адрэагаваў на словы Лукашэнкі, які ў чацвер заявіў, што быў гатовы перадаць Захаду «тысячы палітвязняў».
«Калі мы кагосьці вызваляем, умова адна, хто б мяне пра гэта ні прасіў (у асноўным амерыканцы): хочаце — калі ласка, забірайце, вывозьце», — заявіў Аляксандр Лукашэнка на нарадзе 31 ліпеня.
Ён адзначыў, што прапаноўваў, калі захоча «той бок», перадаць і «некалькі тысяч» палітзняволеных: «Я ім у апошні раз сказаў: «Хочаце — мы вам і гэтых дадамо». — «Не, не, не, гэтых не хочам, хочам вось гэтых».
Сяргей Ціханоўскі, што выйшаў на волю 21 чэрвеня пасля пяці гадоў турмы, вечарам запісаў адказ Лукашэнку.
«Лукашэнка зладзіў у чацвер чарговы стэндап. Казаў пра гандаль людзьмі, пра амерыканцаў, пра мяне. Хаця па імені назваць пабаяўся. Я праслухаў тройчы, каб улавіць сэнс, вось што я пачуў. Лукашэнка ўпэўнены, што «беглыя» не хочуць прымаць тысячы палітвязняў, што ім раты не патрэбныя. Дык вось Аляксандр, вось табе мой адказ.
Нам трэба кожны, кожны каго назвалі палітвязнем: здаровы, малады, хворы, стары — усе. Ты сам сказаў, адны выдаткі з імі, яшчэ карміць, апранаць. І калі ты, Аляксандр, гатовы трымаць слова, гатовы выпускаць палонных з умовай, што яны выедуць за мяжу, то я ўжо замовіў 20 аўтобусаў. Трэба будзе, замовім 100, беларусы збяруць гэту суму за гадзіну. Забярэм усіх, бо гэта не пра грошы. Скажы толькі, куды пад'язджаць.
І калі ты, Аляксандр гатовы выпускаць людзей, што яны павінны выехаць за мяжу, то проста зараз 20 аўтобусаў будуць на мяжы. Калі ты гатовы адказваць за свае словы. Балабол!»
Лукашэнка кажа, што прапаноўваў Захаду «перадаць некалькі тысяч» палітвязняў
Лукашэнка: Беларусі трэба ваенная мабілізацыя, каб утрымаць эканоміку краіны ў складанай міжнароднай абстаноўцы
Лукашэнка заявіў пра патрэбу паляпшэння адносін з Захадам «для разбору завалаў», якія «перашкаджаюць нашай працы на сусветных рынках»
Каментары
Дыпламатыя любіць цішыню
[Зрэдагавана]