Аляксандр Лукашэнка пракаментаваў дэдлайны прэзідэнта ЗША Дональда Трампа, якія той адводзіць Расіі на спыненне ваеннага канфлікту ва Украіне. Пра гэта ён заявіў, адказваючы на пытанні журналістаў падчас сустрэчы з Уладзімірам Пуціным на Валааме, піша БелТА.
Аляксандр Лукашэнка назваў Дональда Трампа «нашым агульным сябрам, за якога мы так перажывалі». «Я памятаю нашы перажыванні, каб ён перамог і гэтак далей», — адзначыў ён.
Каментуючы заявы кіраўніка ЗША наконт дэдлайнаў, Лукашэнка сказаў: «50, 60, 10 дзён. Так палітыка не робіцца. Калі ён хоча міру — ён павінен падключацца асцярожна, грунтоўна. Гэта ваеннае сутыкненне. І ўказаць там не атрымаецца. Тым больш — ядзернай дзяржаве. Гэта проста выклікае смех».
«Вы ведаеце, нядаўна я сустракаўся з амерыканцамі. Я ім адкрыта гэта сказаў. Гэта яго (Дональда Трампа) блізкія сябры. Кажу ім: прэзідэнту скажыце, што трэба асцярожна ўсё гэта рабіць. І дамовіцца можна», — заявіў Лукашэнка.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары