Na nastupnym tydni ŭ Biełarusi lepš nie kupacca na niekatorych plažach, paviedamili ŭ Respublikanskim centry hihijeny, epidemijałohii i hramadskaha zdaroŭja. Śpiecyjalisty pravieryli vadu ŭ vadajomach — u 20 vypadkach z 593 daśledavańniaŭ byli vyjaŭlenyja parušeńni hihijeničnych normaŭ pa mikrabijałohii.
Časova zabaroniena kupańnie, ale dazvoleny vodny sport na plažy «Zachodni» na race Sož u Homieli.
Zachoŭvajucca i raniejšyja abmiežavańni: kupacca i zajmacca vodnymi vidami sportu nielha na plažy «Abkamaŭski» ŭ Homieli, u pravabiarežnych zonach adpačynku ŭ Mazyry, na plažy №2 voziera Jubilejnaje ŭ Hrodnie, a taksama na niekatorych plažach na Dniapry — u Žłobinie, kala Centra alimpijskaha reziervu i ŭ ahraharadku Pałykovičy Mahiloŭskaha rajona.
Kupańnie dziaciej i darosłych taksama prypyniena, ale vodny sport dazvoleny na Centralnym plažy i va ŭročyščy Łasosna ŭ Hrodnie na Niomanie, i na plažy na Dniapry ŭ Žłobinie (park «Prydniaproŭski»).
Dla dziaciej abmiežavana kupańnie (darosłym možna kupacca, vodny sport dazvoleny) u Breście — na zonie adpačynku pa vulicy Kastryčnickaj Revalucyi, na plažy «Uschod» (raka Muchaviec), a taksama aziorach Biełaje (pasiołak Biełaje Voziera i baza adpačynku čyhunki ŭ Bresckim rajonie), Rahazianskaje (pasiołak Biareście Bresckaha rajona), Miadnianskaje (vioska Miedna Bresckaha rajona), Husinaje (ahraharadok Kadzina Mahiloŭskaha rajona), plažy sanatoryja «Sosny» (raka Prypiać u Mazyrskim rajonie), na sažałcy kala ahraharadka Łuckaŭlany Hrodzienskaha rajona, plažach na Dniapry i Piačerskim vadaschoviščy (Mahiloŭ).
U toj ža čas źniataja zabarona na kupańnie i vodny sport na plažy №3 na Sožy ŭ ahraharadku Lićvinavičy Karmianskaha rajona.
Ciapier čytajuć
Anton čatyry hady chavaŭsia ad łukašystaŭ u rodnych Baranavičach — zatrymali, kali vyrašyŭ zdać na pravy1
Kamientary