Туск распусціў камісію, якая расследавала ўплыў Беларусі і Расіі на бяспеку Польшчы
30 ліпеня 2025 года прэм’ер-міністр Польшчы Дональд Туск падпісаў распараджэнне аб ліквідацыі камісіі, якая расследавала ўплыў Расіі і Беларусі на ўнутраную бяспеку краіны. Камісія была створаная ў маі 2024 года і працавала больш за год. Яе дзейнасць завершыцца да канца верасня 2025 года, піша «Белсат».
Камісію ўзначальваў кіраўнік контрвыведкі Яраслаў Стружык. Яна займалася аналізам таго, як з 2004 па 2024 год Расія і Беларусь маглі ўплываць на сітуацыю ў Польшчы — у палітыцы, эканоміцы, бяспецы і сферы медыя. За час працы камісія падрыхтавала тры справаздачы.
У першым дакладзе, апублікаваным у кастрычніку 2024 года, гаварылася пра разбурэнне польскіх спецслужбаў, магчымыя памылкі і нават здраду з боку былога міністра абароны Антонія Мацярэвіча. У дакуменце сцвярджалася, што дзеянні апошняга нанеслі краіне шкоду на сотні тысяч еўра і аслабілі вайсковую бяспеку.
Другі даклад з’явіўся ў студзені 2025 года і тычыўся ўплыву падчас пандэміі, калі фіксаваліся дэзынфармацыйныя атакі з боку Расіі і Беларусі.
Трэцяя справаздача засталася закрытай для публікі і ўтрымлівае каля 400 старонак. У ёй апісваюцца звесткі, што могуць быць выкарыстаныя ў будучых крымінальных расследаваннях, у тым ліку супраць таго ж Антонія Мацярэвіча.
Нягледзячы на абяцанні зрабіць «разгромны» даклад перад прэзідэнцкімі выбарамі, ён у выніку так і не з'явіўся.
Цяпер чытаюць
«Засяроджуся на працы з ЗША». Ціханоўскі расказаў пра свае палітычныя планы на 2026 год21
Каментары