Махляры актывізуюць фэйкавыя тэлеграм-боты пад выглядам банкаўскіх акаўнтаў
Махляры пачалі распаўсюджваць фэйкавыя тэлеграм-боты, якія маскіруюцца пад банкаўскія акаўнты, часам — Белінвестбанка. Як паведамілі ў банку, мэта такога падману — выманіць асабістыя даныя і атрымаць доступ да фінансаў.
У прэс-службе падкрэслілі, што рэкламу фэйкавых чат-ботаў могуць размяшчаць у сацсетках Meta, пераважна ў Instagram, або рассылаць у месенджарах пад якой-небудзь падставай.
Пры гэтым розніца ў назве бота бывае ўсяго ў некалькі літар, а можа кардынальна адрознівацца ад афіцыйнай.
Ашуканцы найчасцей выкарыстоўваюць граматычныя падмены — напрыклад, лацінскую «a» замяняюць на кірылічную «а» або дадаюць лішні сімвал.
У выніку на першы погляд гэта незаўважна і падобна да афіцыйнай назвы. Таксама зламыснікі часта перастаўляюць асобныя словы месцамі і змяняюць назвы на падобныя або сугучныя.
У Белінвестбанку рэкамендуюць карыстальнікам уважліва чытаць назвы самога тэлеграм-канала, яго чат-бота ў шапцы профілю і карыстацца толькі праверанымі каналамі сувязі з банкамі. Не варта таксама пераходзіць па падазроных спасылках.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку1
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары