Азараў закрыў план «Перамога» і перавёў усіх удзельнікаў у рэзерв
«Байпол» наракае, што Ціханоўская і Вячорка адмаўляюцца вярнуць ім доступ да чат-бота плана «Перамога».
Аляксандр Азараў, кіраўнік «Байпола» і руха «Закон і правапарадак», апублікаваў афіцыйную заяву. У ёй ён паведаміў, што план «Перамога» закрываецца, а ўсіх яго ўдзельнікаў «пераводзяць у рэзерв».
«У мэтах забеспячэння бяспекі ўдзельнікаў плана «Перамога», у сувязі са стратай доступу да чат-бота плана «Перамога» ў маі 2024 года і адмовай Святланы Ціханоўскай і Франака Вячоркі вярнуць яго, абвяшчаем пра закрыццё плана «Перамога» да асаблівага распараджэння. Усе ўдзельнікі плана пераведзены ў рэзерв», — піша Азараў.
Але, як абвешчана, застаюцца адказныя:
- за «рэзерв спецыяльнага, хуткага і аператыўнага прызначэння» адказным прызначаны Сяргей Макар;
- адказным за «рэзерв назірання, дакументавання і расследавання» прызначаны Станіслаў Лупаносаў;
- адказны за «рэзерв аналітыкі, камунікацый і сувязяў з грамадскасцю, а таксама агульнае кіраўніцтва» — Аляксандр Азараў.
Доступ у Азарава забралі пасля таго, як ён адправіў удзельнікам плана заклік прагаласаваць за яго на выбарах у Каардынацыйную раду.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17
Каментары