Ураджай бульбы сёлета спарадзіў нямала гумарыстычных трэндаў. Так, у тыктоку з'явілася відэа з бульбай, сабранай у запалкавыя карабкі, заўважыў Kraj.by. Выданне паглядзела, што на рынку ў Маладзечне.
Гледачы падхапілі забіяцкі настрой аўтара і ў каментарах прапаноўвалі свае варыянты. Напрыклад, назвалі сорт бульбяным чэры.
Узнікла ў каментатараў і пытанне: пачым шклянка бульбы?
Што на базары?
Kraj.by вырашыў высветліць цану адной шклянкі бульбы і ўдакладніць, што там на рынку ў Маладзечне. У чацвер на рынку шматлюдна. Напярэдадні самых актыўных для гандлю дзён прадаўцы ўстанаўліваюць цану, якой будуць прытрымлівацца і ў выхадныя.
Прапаноў бульбы было шмат. Цана — ад 1 рубля да 1 рубля 80 капеек.
Прадаўцы кажуць, што самая танная бульба з Іўя. У чацвер на тым месцы было пуста, толькі дзве дробныя бульбіны намякалі на тое, што яны трымаюць месца для гандлю.
Дробнай бульбы на прылаўках няма. Ёсць буйная і сярэдняга памеру.
Адзін з прадаўцоў удакладніў: вам якая трэба? Карэспандэнты расказалі, што цікавяцца цаной шклянкі з бульбай. Мужчына аказаўся з гумарам і адказаў:
— Шклянку за рубель прадам. Выберу самую маленькую, прыгожа пакладу і з задавальненнем прапаную ўсім ахвотным!
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
Запалкі ўкраінскія адкуль у Беларусі?