Свет22

Трамп разглядае магчымасць выкарыстання для гарантый Украіне амерыканскіх ПВК

Прэзідэнт ЗША Дональд Трамп прапанаваў у межах магчымых гарантый бяспекі для Украіны задзейнічаць амерыканскія прыватныя вайсковыя кампаніі, паведамляе выданне The Telegraph са спасылкай на свае крыніцы. Іх роля магла б быць у дапамозе са стварэннем умацаванняў, будаўніцтвам баз і абаронай амерыканскага бізнэсу ва Украіне. Пры гэтым прысутнасць узброеных кантрактнікаў павінна была б стаць дадатковым фактарам стрымлівання для Расіі.

Дональд Трамп. Фота: Joe Raedle / Getty Images

Паводле задумы, такія кампаніі былі б дадаткам да дзеянняў еўрапейскіх партнёраў.

Гэту прапанову нібыта абмяркоўваюць сярод іншых мер, якія разглядаюць дзяржавы «кааліцыі рашучых» на чале з Францыяй і Вялікабрытаніяй. Выкарыстанне кантрактнікаў з ПВК дазволіла б Трампу, які ўжо абяцаў не адпраўляць амерыканскіх вайскоўцаў ва Украіну, заспакоіць страхі найбольш ізаляцыянісцкага крыла трампістаў, кажуць суразмоўцы The Telegraph.

Еўрапейскія краіны, у тым ліку Францыя і Вялікабрытанія, таксама абмяркоўваюць іншыя варыянты гарантый для Украіны: паветранае патруляванне, навучанне ўкраінскіх вайскоўцаў, марскую місію ў Чорным моры. Асноўны акцэнт робіцца на тым, што галоўнай сілай стрымлівання павінна заставацца сама ўзмоцненая ўкраінская армія.

Абмяркоўваюцца таксама закупкі дадатковых амерыканскіх сістэм СПА (Patriot, NIMARS) за кошт еўрапейцаў. Некаторыя краіны прапануюць стварыць дэмілітарызаваную зону каля лініі фронту, але супольнай пазіцыі па гэтым пытанні няма, і Кіеў ужо выказаўся супраць.

Разглядаецца і магчымасць размяшчэння некалькіх тысяч еўрапейскіх вайскоўцаў у якасці «трэцяй лініі абароны», але ў меншых маштабах, чым ранейшыя ідэі пра 30 тысяч. Таксама гучыць прапанова адкрыць «беспалётную зону» для аднаўлення цывільных рэйсаў і арганізаваць патруляванне Чорнага мора пад кіраўніцтвам Турцыі.

Каментары2

  • всё для путина и дотянуть до 2028
    30.08.2025
    Ни о чём, очередная инициатива, ради интциативы и ничего неделанья в интересах путина, как и сами, все, инициативы трампа - инициативами путина
  • Типок Вагнерок
    31.08.2025
    Какие ЧВК, те, что по 200 человек от силы?

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць