Крэмль адкінуў прапановы Еўропы адносна гарантый бяспекі для Украіны. Паводле заявы прэс-сакратара прэзідэнта Расіі Дзмітрыя Пяскова, Расія ставіцца да гэтых прапаноў адмоўна і не згодная на прысутнасць войскаў НАТА на тэрыторыі Украіны.
Еўрапейскія партнёры Украіны працуюць над патэнцыйнымі гарантыямі бяспекі, якія маглі б уключаць размяшчэнне войскаў, аднак Пяскоў падкрэсліў, што размяшчэнне еўрапейскіх войскаў фактычна азначае прысутнасць НАТА, чаго Расія заўсёды імкнулася пазбегнуць.
«Мы гаварылі пра гэта на розным узроўні. Не існуе еўрапейскіх вайскоўцаў, існуюць вайскоўцы канкрэтных краін і большасць гэтых краін — члены НАТА. Менавіта прасоўванне вайсковай інфраструктуры НАТА можна назваць сярод першапрычын той канфліктнай сітуацыі, якая ўзнікла», — заявіў Пяскоў.
Пяскоў таксама адзначыў, што перамовы паміж Расіяй і ЗША на Алясцы 15 жніўня былі змястоўнымі і канструктыўнымі, і выказаў надзею на працяг мірных і пасярэдніцкіх намаганняў з боку прэзідэнта ЗША Дональда Трампа. Паводле яго слоў, амерыканскі бок можа аказваць падтрымку Украіне ў выглядзе паветранай і разведвальнай дапамогі, але не ўводзіць войскі.
На думку Пяскова, вырашаць лёс Украіны Расія і ЗША павінны патаемна:
«Казаць пра нейкія дэталі ў адрыве ад агульнага кантэксту і ў публічным рэжыме было б наўрад ці карысна для агульнага выніку справы».
Перамоўныя групы Расіі і Украіны падтрымліваюць кантакт, але дакладных тэрмінаў новага раўнда перамоў пакуль няма. Пяскоў падкрэсліў, што расійскі бок нібыта імкнецца да мірнага палітычна-дыпламатычнага вырашэння канфлікту, аднак для гэтага неабходная ўзаемнасць з боку Украіны.
Сібіга: Кіеў гатовы да сустрэч у любых фарматах і геаграфічных рэгіёнах
Трамп: Вайна Расіі і Украіны — асабісты канфлікт, а Пуцін не сустракаецца з Зяленскім, бо яго не любіць
Вэнс заявіў пра гатоўнасць Пуціна да «вялікіх кампрамісаў» па Украіне
Лаўроў: Расія прызнае Зяленскага «кіраўніком рэжыму», але па Канстытуцыі ён нелегітымны
Вэнс прапанаваў зрабіць з Украіны краіну-«дзікабраза»
ЗША могуць у якасці гарантый бяспекі закрыць неба над Украінай
Каментары
надо просто лупить их, пока сами не приползут уговаривать пообщаться с ними.
раз в неделю залпы по москве, усть-луге, новороссийску, очередному нпз и "дружбе" быстро приведут их в чувство.
не надо стесняться.
другого пути не существует.