Карпушонак прызнала, што перамагчы Латушку ў самой сабой зададзеным фармаце ёй не па сілах
Дэлегатка Каардынацыйнай рады Вольга Карпушонак апублікавала пост у фэйсбуку, у якім канстатавала, што Павел Латушка ў зададзеным ёй самой фармаце публічных разбіральніцтваў не пакідае ёй шанцаў нечага дабіцца. Таму цяпер жанчына пойдзе іншым шляхам.
Карпушонак заявіла, што свядома адмаўляецца ад падачы дадатковай інфармацыі і падрабязнасцяў у СМІ, бо гэта будзе шкодзіць ёй самой.
«Публічныя дыскусіі і славесныя сваркі на гэтым этапе толькі даюць магчымасць Латушку сыходзіць ад адказнасці і прадстаўляць сябе «ахвярай інфармацыйнай кампаніі», — сцвярджае яна. — Вопыт апошніх тыдняў паказаў: любая спроба дыялогу ў медыяпрасторы выкарыстоўваецца ім як інструмент для маніпуляцый».
Яна чакала, што пасля яе відэазапісаў з вербальнымі абвінавачваннямі на адрас Латушкі ён будзе паводзіць сябе неяк інакш. Але на практыцы выйшла па-іншаму.
«Публікацыя аўдыёзапісаў і фрагментаў доказаў на маім канале ўжо паказала, што ў палеміцы з Латушкам бессэнсоўна чакаць прызнання ці хаця б спробы канструктыўнага адказу. Чалавек, які дзесяцігоддзямі пазіцыянуе сябе палітыкам і дыпламатам, паводзіць сябе як аўтарытарны лідэр, які адмаўляе законы, нормы маралі і чалавечай годнасці. Яго тактыка — напад, абвінавачванні ў адрас іншых, перавод увагі на «спецслужбы» і штучнае стварэнне вобраза ворага», — наракае Вольга Карпушонак.
Таму яна мае намер змяніць тактыку, гаворачы гэта «не як адвакат, не як актывіст, не як палітык», а «як жанчына, якая вымушана была праляцець тысячы кіламетраў, каб схавацца ад пераследу і дамаганняў, і якая больш не гатовая маўчаць».
Адгэтуль, як яна абяцае, усе новыя факты «будуць перадавацца толькі ў афіцыйныя структуры і абнародавацца ў прадугледжаным законам парадку». У гэтым ёй маюць дапамагчы кампетэнтны адвакат, пошукам якога жанчына якраз займаецца, а таксама неназваныя міжнародныя праваабарончыя арганізацыі, якія нібыта «выказалі гатоўнасць падтрымаць мяне і забяспечыць поўную празрыстасць працэсу».
Няўдача на першым этапе канфлікту прывяла прафесійную адвакатку Вольгу Карпушонак да пераканання, што «менавіта юрыдычны шлях і інстытуцыянальнае суправаджэнне — адзіна магчымы спосаб дамагчыся справядлівасці і пакласці канец практыцы беспакаранасці».
Вольга Карпушонак дайшла ў сваіх скаргах да Парламенцкай асамблеі Рады Еўропы
Вольга Карпушонак знаходзіцца ў Рыа-дэ-Жанэйра?
Карпушонак апублікавала тэкст сваёй заявы на Латушку ў іспанскую пракуратуру
Латушка: Заява Карпушонак у паліцыю Іспаніі — поўны прававы абсурд
У верасні Карпушонак планавала трапіць на сесію ПАРЕ, але апошні месяц яе паводзіны змяніліся — Ворыхава
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою10
Каментары