Чалы назваў, што атрымаў Лукашэнка ад амерыканцаў узамен за вызваленне Ціханоўскага і іншых палітвязняў
На першы погляд здаецца, што Лукашэнка не атрымаў нічога ад вызвалення палітвязняў, але аналітык Сяргей Чалы лічыць інакш.
Аналітык Сяргей Чалы падзяліўся сваёй версіяй таго, як санкцый ЗША пазбег ці не галоўны міжнародны кашалёк кіраўніка Беларусі, пераказвае «Салідарнасць».
На канале БРЦ Чалы звярнуў увагу: выступаючы нядаўна перад прадстаўнікамі дзяржаўных СМІ, Аляксандр Лукашэнка заявіў, што вызваленне 16 палітвязняў на чале з Сяргеем Ціханоўскім было зроблена па прапанове ЗША — гэта быў варыянт амерыканскай здзелкі «ты мне гэта, я табе тое».
— І самае цікавае — што Лукашэнка атрымаў узамен ад амерыканцаў. На першы, няўважлівы погляд, Беларусь не атрымала нічога. Лукашэнка спецыяльна ўдакладняе: «Я нават не казаў пра санкцыі, клянуся вам. Рыбакову я забараніў прасіць».
І далей здзіўленай публіцы ў асобе сваіх журналістаў ён тлумачыць, чаму. Бо для такіх просьбаў няма асаблівых падстаў. Хоць санкцыі і маюць негатыўны ўплыў на жыццё нашай краіны, але Беларусь ужо прыстасавалася…
Але на другі, дасведчаны погляд, высветлілася, дзякуючы расследаванню Беларускага расследавальніцкага цэнтра, што
ў дзень сустрэчы з Кітам Келагам на Кіпры была ліквідавана кампанія Dana Holdings, а праз два месяцы яна і яе былы ўладальнік Небойша Карыч былі выключаны са спісу санкцый ЗША.
Дзякуючы такому няхітраму юрыдычнаму труку санкцый пазбег ледзь не галоўны міжнародны кашалёк Лукашэнкі.
Кашалёк у другім пакаленні. Ён — сын Багалюба Карыча, які выконваў гэтую функцыю яшчэ для Мілошавіча.
-
Ціханоўская заклікала беларусаў на эміграцыі быць больш актыўнымі, а не спадзявацца на кабінеты
-
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
-
Мінскім Шабанам прысвяцілі модную калекцыю: дзе купіць і што па цэнах?
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу5
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары