Грамадства9393

Польшча не адкрые мяжу і пасля сканчэння вучэнняў «Захад»

Заява міністэрства ўнутраных спраў і адміністрацыі Польшчы не ўтрымлівае ніякіх канкрэтных тэрмінаў адкрыцця памежных пунктаў.

Польскія і беларускія памежнікі тварам у твар, 31 жніўня 2025. Фота: AP Photo / Czarek Sokolowski

Пункты пропуску на мяжы Польшчы і Беларусі застаюцца закрытымі да далейшага паведамлення ў мэтах бяспекі палякаў, гаворыцца ў заяве міністэрства.

«Забеспячэнне бяспекі грамадзян — наш прыярытэт. Мы падкрэсліваем, што прынятае рашэнне звязанае з расійска-беларускімі манеўрамі «Захад-2025», але гэта не азначае, што мяжа закрыта выключна на перыяд гэтых вучэнняў. Мы адновім рух тады, калі мяжа будзе цалкам бяспечнай і гэта пацвердзіць інфармацыя, перададзеная службамі», — паведамляе міністэрства.

У заяве гаворыцца, што польскія ўлады ўсведамляюць, што прыпыненне памежнага руху з'яўляецца праблемай для перавозчыкаў, якія павінны карыстацца, напрыклад, памежнымі пераходамі ў Літве для ажыццяўлення перавозак.

«Мы падкрэсліваем, што з-за эканамічных пытанняў і дзеля польскіх прадпрымальнікаў зробім усё магчымае, каб перыяд адключэння памежнага руху быў як мага менш адчувальным.

Страты будуць ацэненыя ў момант, калі мы будзем ведаць, як доўга мяжа будзе закрыта», — паведамляе міністэрства. 

Раней міністр унутраных спраў і адміністрацыі Польшчы Марцін Кярвінскі папярэджваў, што рашэнне аб закрыцці мяжы з Беларуссю прынята не толькі на час вучэнняў «Захад-2025». Ён заявіў, што гэтае рашэнне апраўданае з пункту гледжання бяспекі Польшчы.

Сёння, 16 верасня, на тэрыторыі Беларусі заканчваюцца беларуска-расійскія вучэнні «Захад-2025», якія праходзілі з 12 верасня.

Ноччу 10 верасня каля 20 расійскіх дронаў парушылі мяжу Польшчы падчас масіраванага абстрэлу Украіны. Для іх перахопу ўпершыню з пачатку вайны былі паднятыя самалёты НАТА.

Каментары93

  • Клаўс
    16.09.2025
    Мяжыа будзе зачынена пакуль не выйдуць на свабоду ўсё палякі і новых перастануць затрымліваць.
  • Катманду
    16.09.2025
    Хатаскрайнікі - што з тварамі? канец вашай кантрабандай эканоміцы
  • Ў гэтых вучэннях прысутнічаюць НАТА прадстаўнікі
    16.09.2025
    ГРАМАДЗЯН ЭЗ жонка Шведка , дзеці ..., заўсёды усім кажу, ў нас Беларусаў нікога няма АКРАМЯ НАС САМІХ , нам трэба адзін аднаму дапамагаць і самім вырашаць усё. Ў гэтых вучэннях прысутнічаюць НАТА прадстаўнікі (ЗША, Турцыя, і г.д) гэта таннае імперскае шоў і гэта перамога дзеда сашы , Палякі - НАВОШТА ПРОСТЫХ БЕЛАРУСАЎ ЗНЯВАЖАЦЬ на мяжы ?? Палякі не сорамна ?? З іншага боку, усе нашы суседзі дапамагаюць нам зразумець поўны кошт незалежнасці. Дарэмная лекцыя

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Сабаленка пракаментавала, што яе нецэнзурныя словы адрасаваліся не Світолінай16

Сустрэча Пуціна, Сі Дзіньпіна і Трампа пройдзе 19 лістапада1

Стала вядома, дзе будзе знаходзіцца Офіс Ціханоўскай у Варшаве32

Латушка заклікаў адхіліць Арыну Сабаленка ад усіх турніраў пад эгідай WTA39

Дырэктар сеткі салонаў «На сувязі» застрэліў на паляванні мядзведзя21

Джоні Дэп вяртаецца ў Галівуд пасля байкоту5

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць