Па стане на 15 верасня ў электроннай чарзе на выезд у Польшчу праз пункт пропуску «Казловічы» зарэгістравана каля 1,7 тысячы грузавых аўтамабіляў. Пры гэтым больш за тысячу з іх маюць польскія нумары. Пра гэта паведаміў старшыня Дзяржаўнага мытнага камітэта Беларусі Уладзімір Арлоўскі ў інтэрв’ю тэлеканалу «Першы інфармацыйны».
Уладзімір Арлоўскі адзначыў, што закрыццё Польшчай усіх памежных пераходаў, як пасажырскіх, так і грузавых, стала нечаканым як для перавозчыкаў, так і для звычайных людзей, якія планавалі свае паездкі.
Фізічныя асобы пачалі шукаць альтэрнатывы — ехаць праз Літву ці карыстацца авіяпералётамі. Але з грузамі сітуацыя складанейшая: лагістыку нельга перабудаваць за два-тры дні. У выніку частка грузаў, якія ішлі па чыгунцы, «захрасла» ў дарозе, а аўтатранспарт таксама застыў у чаканні.
Цяпер таварапаток фактычна прыпыніўся і незразумела, будзе закрыццё часовым ці працягнецца надоўга.
Па словах Уладзіміра Арлоўскага, беларускія мытныя і памежныя службы гатовыя за лічаныя гадзіны аднавіць працу ў любым пункце пропуску на мяжы з Еўрасаюзам — як на польскім, так і на літоўскім ці латвійскім кірунках.
МЗС Польшчы пра закрыццё мяжы: Думаем перш за ўсё пра дзяржаўную бяспеку, а не пра эканамічную выгаду або выдаткі
Латвія пакуль не збіраецца закрываць мяжу з Беларуссю
«З раніцы наш аўтобус быў дзясятым у чарзе». Што адбывацца на беларуска-латвійскай мяжы
«Жывём тут як у танку». Беларусы з памежжа расказалі, як перажываюць закрытую мяжу і вучэнні
Перанакіраваць паток грузавікоў з закрытай польскай мяжы будзе складана. Вось у чым праблема
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»19
Каментары