Брэнд, што робіць аўто для Пуціна, прывёз у Беларусь на выставу калекцыю адзення, абутку і сумак
Калекцыя адзення, абутку і сумак пад брэндам Aurus прадстаўлена на выставе «Іннапрам. Беларусь» у Мінску. Цэны — як на аўто.
Пад брэндам Aurus Cashmere на выставе паказана мужчынская калекцыя спартыўнага і casual-адзення.
Сумкі і абутак зроблены з натуральнай скуры. На адзенні можна заўважыць фірменную фурнітуру Aurus.
Паводле інфармацыі з каталога, цэны на сумкі вагаюцца ад 400 тыс. да 2,6 млн расійскіх рублёў (ад 4,8 тысяч даляраў да 31 тысячы).
Міжнародная выстава «ІНАПРАМ. Беларусь» праходзіць у Мінску з 29 верасня па 1 кастрычніка. У ёй прымаюць удзел кампаніі з Беларусі, Расіі, Казахстана, Узбекістана і Кыргызстана.
Каментары