Якая вакцынацыя патрэбна дарослым, апроч штогадовай прышчэпкі ад грыпу, як часта абнаўляць абарону ад слупняку і чаму варта не ігнараваць адзёр, ВПЧ ці шаленства.
Прышчэпкі — гэта не толькі для дзяцей. У Беларусі існуе афіцыйны каляндар вакцынацыі і для людзей, старэйшых за 18 гадоў, куды ўваходзяць і сезонныя, і рэгулярныя, і спецыфічныя прышчэпкі, у залежнасці ад абставін. «Мінск-Навіны» паразмаўлялі з Валянцінай Тухта, намесніцай галоўнага ўрача 19‑й цэнтральнай раённай паліклінікі пра вакцыны ад розных хвароб, што і як трэба рабіць.
Штогадовая імунізацыя
Ад грыпу — адна з самых запатрабаваных і эфектыўных вакцын. Робіцца штогод у восеньскі перыяд. Медыцынскія брыгады працуюць не толькі ў паліклініках, але і на прадпрыемствах.
Ад каранавірусу — па актуальных рэкамендацыях Міністэрства аховы здароўя. Рэкамендуецца перыядычна рабіць рэвакцынацыю.
Раз на 10 гадоў
Слупняк і дыфтэрыя — адна вакцына адразу ад двух захворванняў. Абнаўляць неабходна раз на 10 гадоў.
«Хвароба можа прывесці да сур'ёзных ускладненняў, уключна з лятальнымі выпадкамі. Бачыла выпадкі дыфтэрыйнага міякардыту і артрыту», — кажа Валянціна Тухта.
Па эпідсітуацыі і стане імунітэту
Адзёр — да 31 года, калі няма дакладных звестак пра вакцынацыю або імунітэт недастатковы супраць гэтай хваробы. Адзёр можа выклікаць цяжкія наступствы, асабліва ў дарослым узросце.
Шаленства — калі вас укусіла, падрапала ці нават «дзюбнула» жывёла, нават свая хатняя.
Клешчавы энцэфаліт — актуальна для тых, хто працуе ў лесе або праводзіць шмат часу на прыродзе. Некаторым групам — бясплатна.
Жоўтая ліхаманка — неабходна для падарожжаў у пэўныя краіны. Вакцынацыя праводзіцца ў спецыялізаваных пунктах.
ВПЧ (вірус папіломы чалавека) — з 2026 года бясплатна для дзяўчат, дарослым — толькі на платнай аснове.
Пнеўмакок — платна, асабліва рэкамендуецца пажылым людзям і асобам з аслабленым імунітэтам.
«Калі ёсць магчымасць абараніцца — варта ёй скарыстацца», — падкрэслівае Валянціна Тухта.
Цяпер чытаюць
Бабарыка зоймецца бізнэсам — ужо адкрыў кампанію ў Германіі18
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары