Супрацоўнік лабараторыі міколагіі Інстытута эксперыментальнай батанікі імя Купрэвіча НАН Беларусі Яўген Мароз падчас навуковай экспедыцыі знайшоў два вельмі рэдкія для нашай краіны віды міксаміцэтаў (слізевікоў): Siphoptychium violaceum і Dictydiaethalium plumbeum.
Гэтыя арганізмы былі адзначаныя толькі на тэрыторыі нацыянальных паркаў «Белавежская пушча» і «Нарачанскі», што ўжо сведчыць пра выключную экалагічную каштоўнасць.
Асаблівую цікавасць выклікае від Siphoptychium violaceum — гэта арганізм, рэдкі нават у сусветным маштабе, які сустракаецца ў вельмі абмежаванай колькасці месцаў.
Навукоўцы падкрэсліваюць, што гэта адкрыццё чарговы раз пацвярджае ўнікальнасць беларускіх запаведных тэрыторый і важнасць іх захавання ў натуральным стане.
Міксаміцэты, або слізевікі, — гэта асаблівая група арганізмаў, якая не адносіцца ні да грыбоў, ні да жывёл. Яны вельмі адчувальныя да стану навакольнага асяроддзя і служаць своеасаблівымі біяіндыкатарамі здароўя лесу. Калі ў пэўнай мясцовасці знаходзяць рэдкія віды гэтых арганізмаў, гэта значыць, што экасістэма там захавалася амаль некранутай чалавекам.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары