На «Кургане Славы» падчас рэспубліканскага суботніка закладуць парк у выглядзе крылаў бусла
У рамках суботніка, што пройдзе 25 кастрычніка, у Мінскай вобласці на мемарыяльным комплексе «Курган Славы» закладуць парк у форме крылаў бусла. Пра гэта БелТА расказалі ў галоўным упраўленні ідэалагічнай работы і па справах моладзі Мінскага аблвыканкама.
«Лукашэнкам даручана закласці парк у падножжа мемарыяльнага комплексу «Курган Славы». У рамках прапанаванай канцэпцыі парк будзе аформлены ў выглядзе крылаў бусла. Гэта ўнікальная прастора стане не толькі месцам для адпачынку і прагулак, але і важным культурным аб’ектам. У ходзе суботніка на тэрыторыі парку будзе высаджана 400 дрэў і кустоў», — расказалі ў галоўным упраўленні.
Палова сродкаў, заробленых на суботніку і пакінутых у распараджэнні Мінскага аблвыканкама, будзе накіравана на распрацоўку праектна-каштарыснай дакументацыі аб’ектаў, што ўваходзяць у склад гісторыка-культурнай каштоўнасці «Гарадзішча «Вал» у Заслаўі.
Разведка ЗША: Беларусь стала перадавым вайсковым плацдармам Расіі22
Каментары