Танкер і нафтаналіўны тэрмінал пашкоджаны ў выніку атакі дронаў у Туапсэ
Партовы горад Туапсэ ў Краснадарскім краі Расіі ў ноч на нядзелю трапіў пад атаку ўкраінскіх дронаў. Пасля атакі загарэўся нафтапірс НПЗ, пашкоджаны танкер.
Мясцовы аператыўны штаб паведаміў, што ў порце абломкі дронаў упалі на танкер, які перавозіць нафту. Экіпаж з судна вывелі, там адбыўся пажар. Таксама пашкоджаныя будынкі і іншыя збудаванні нафтасховішча.
Аналітыкі ASTRA вызначылі, што ў выніку атакі загарэўся нафтавы прычал Туапсінскага нафтаперапрацоўчага завода. Гэты пірс выкарыстоўваюць для адгрузкі розных нафтапрадуктаў на танкеры, ён абслугоўвае яго экспартныя аперацыі.
Марскі порт у Туапсэ ўжо быў атакаваны сёлета ў лютым.
Каментары