У ЗША апублікавалі новыя лісты па справе Джэфры Эпштэйна, якія дыскрэдытуюць Трампа
Дэмакраты з Камітэта па наглядзе Палаты прадстаўнікоў ЗША апублікавалі тры новыя электронныя лісты, датычныя справы фінансіста і асуджанага педафіла Джэфры Эпштэйна. З іх вынікае, што прэзідэнт ЗША Дональд Трамп нібыта ведаў пра ягоныя злачынствы.
Адзін з гэтых лістоў Эпштэйн адправіў у лютым 2011 года сваёй сяброўцы, свецкай ільвіцы Гілейн Максвел.
«Я хачу, каб ты зразумела, Трамп — сабака, які не забрахаў. [Імя ахвяры] правяла некалькі гадзін у маім доме з ім», — нібыта напісаў у тым лісце Эпштэйн. Максвел яму адказала: «Я думала пра гэта…»
Два іншыя лісты адрасаваныя выдаўцу Эпштэйна Майклу Вульфу. У адным з іх Эпштэйн сцвярджае, што Трамп, «вядома ж, ведаў» пра тое, што ён і Максвел заваблівалі ў прастытуцыю дзяўчат, якія працавалі ў клубе Трампа «Мар-а-Лага».
Сам прэзідэнт ЗША пакуль не каментаваў публікацыю, аднак увогуле ён катэгарычна адмаўляе, што ведаў пра злачынствы Эпштэйна і быў звязаны з імі.
У Белым доме лісты назвалі спробай ачарніць Трампа.
«Дэмакраты выбарачна злілі электронныя лісты ліберальным СМІ, каб стварыць хлуслівую версію падзей і ачарніць прэзідэнта Трампа», — заявіла прэс-сакратарка Белага дома Кэралайн Левіт.
«Неназваная ахвяра, згаданая ў гэтых электронных лістах, — гэта нябожчыца Вірджынія Джуфрэ, якая неаднаразова заяўляла, што прэзідэнт Трамп не быў уцягнуты ў якія-небудзь супрацьпраўныя дзеянні і «не мог быць больш прыязным» у адносінах да яе падчас іх абмежаваных зносін, — заявіла Кэралайн Левіт. — Факт застаецца фактам: прэзідэнт Трамп выгнаў Джэфры Эпштэйна са свайго клуба некалькі дзесяцігоддзяў таму за тое, што той паводзіў сябе непрыстойна ў адносінах да сваіх супрацоўніц, у тым ліку да Джуфрэ.
Гэтыя гісторыі — не больш чым нядобрасумленныя спробы адцягнуць увагу ад гістарычных дасягненняў прэзідэнта Трампа, і любы амерыканец, які мае клёк, бачыць, што гэта падман і відавочная спроба адцягнуць увагу ад аднаўлення працы ўрада», — падкрэсліла яна.
У той жа час дэмакраты патрабуюць раскрыць усе файлы Эпштэйна, сцвярджаючы, што Белы дом «хавае дэталі адносін» паміж сэксуалізаваным злачынцам і Трампам.
Улетку 2025 года Гілейн Максвел казала, што яна ніколі не бачыла, каб Дональд Трамп быў у доме Эпштэйна.
У 2011 годзе Эпштэйн выйшаў на волю, адбыўшы 13 месяцаў у турме. У 2008 годзе ён прызнаў віну па справе аб падбухторванні да прастытуцыі, у тым ліку ў дачыненні да непаўналетніх, і быў асуджаны да 18 месяцаў зняволення, якія адседзеў не цалкам. У 2019 годзе яго зноў арыштавалі, а праз месяц ён павесіўся ў турэмнай камеры.
Прынц Эндру перастаў быць нават і прынцам
Журналіст-расследвальнік падаў у суд на Меланію Трамп за сарваную здзелку па выхаду кнігі аб першай ледзі ЗША
Дэмакраты апублікавалі запіску Эпштэйну, сцвярджаюць, што пад ёй подпіс Трампа
Трамп падаў пазоў на 10 млрд даляраў аб паклёпе супраць Мэрдака з-за публікацыі ў Wall Street Journal пра Эпштэйна
Улады ЗША прызналі, што «спісу кліентаў» Джэфры Эпштэйна не існуе
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
----
Что мешало демократам раскрыть эти документы во время президентства Байдена? Неужели участие в эпштейновских оргиях элиты дем партии и ее доноров?
А былі тыя, хто не ведаў пра прастытутак у клубах?) Гэта ж трэба быць дурным, каб гэта не разумець. Гэта як абвінаваціць чалавека ў тым, што ён ведаў, што некаторыя жанчыны любяць атрымліваць грошы за сэкс.