Самаробная зброя па тыпу кінжала афіцэра SS, абрэз, нажоў ЗША, Германіі, СССР — у вяскоўца з-пад Магілёва канфіскавалі арсенал
Амаль два дзясяткі нажоў і штыкоў, патроны і абрэз стрэльбы знайшлі дома ў 51‑гадовага жыхара Магілёўскага раёна супрацоўнікі 11‑га ўпраўлення ГУБАЗіКа.
Эксперт Дзяржкамітэта судовых экспертыз прыйшоў да высновы, што 17 з 18 прадметаў з’яўляюцца халоднай зброяй, адзінаццаць — выраблены самаробным спосабам.
Шэраг аб’ектаў, вырабленых заводскім спосабам, супаў з узорамі халоднай зброі перыяду Другой сусветнай вайны. Самы рарытэтны экзэмпляр у гэтай калекцыі — армейскі нож СССР узору 1940 года, які шырока выкарыстоўваўся ў вайну і захаваўся да нашых дзён у добрым стане. Сярод астатняй заводскай зброі, акрамя штыкоў ды вінтовак СССР і Германіі, меліся такія рэдкія асобнікі, як паляўнічы нож Маскоўскага таварыства паляўнічых і рыбаловаў СССР, тактычны нож Stell Will 131M Sentence ЗША.
Самаробная зброя выраблена па тыпу салдатскага кінжала-бебута ўзору 1907 г., кінжала афіцэра SS узору 1936 г. (Германія), нажа Fighting|Utility Knife 1219C2» арміі ЗША, ножа мадэлі 98 лодзінскай фірмы Sanitas і іншых узораў.
Па выніках балiстычных экспертыз устаноўлена, што абрэз выраблены самаробным спосабам з паляўнічай стрэльбы мадэлі «ІЖ-18Е» 20‑га калібру, з’яўляецца ручной гладкарульнай агнястрэльнай зброяй, прыдатнай для стральбы. Канфіскаваныя трыццаць чатыры патроны прыдатныя і прызначаны для стральбы з такой зброі і з’яўляюцца боепрыпасамі. Большая частка патронаў начынена самаробным спосабам.
Правоахоўнікі дадуць прававую ацэнку дзеянням «калекцыянера». Судовыя эксперты нагадваюць, што за незаконныя дзеянні ў адносінах да халоднай зброі прадугледжана адміністрацыйная і крымінальная адказнасць.
-
Махляры праўдападобна разводзяць беларусаў — патрабуюць заплаціць падаткі
-
У Польшчы беларускаму дальнабойшчыку пагражае турма — спрабаваў увезці экзатычных яшчарак
-
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі1
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары