Чатыром былым журналістам баранавіцкага «Інтэкс-Прэса» далі хатнюю хімію
Наталлю Семяновіч, Мікіту Пятроўскага, Руслана Равяку і Людмілу Зелянькову асудзілі за «садзейнічанне экстрэмісцкай дзейнасці».
У міліцэйскі «экстрэмісцкі» спіс аднамомантава дадалі чатырох былых супрацоўнікаў баранавіцкай незалежнай газеты «Інтэкс-Прэс». Гэта Наталля Семяновіч, Мікіта Пятроўскі, Руслан Равяка і Людміла Зелянькова.
Усе яны былі арыштаваныя ў снежні 2024 года. У жніўні 2025 года Брэсцкі абласны суд асудзіў іх па артыкуле 361‑4 — «садзейнічанне экстрэмісцкай дзейнасці». Прычым ім усім інкрымінавалася другая частка артыкула — хутчэй за ўсё, таму што іх «злачынства» здзяйснялася групай асобаў.
Усе чацвёра атрымалі хатнюю хімію.
Цяпер прысуд уступіў у законную сілу.
Пры гэтым яшчэ некалькі экс-супрацоўнікаў «Інтэкс-Прэса» застаецца ў зняволенні, у тым ліку былы дырэктар Уладзімір Янукевіч.
«Інтэкс-Прэс» быў найбуйнейшым і самым паспяховым незалежным рэгіянальным СМІ Беларусі. Газета была заснаваная ў 1994 годзе. Яе разграмілі ў 2021 годзе.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака11
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары