Курс біткойна на біржы Binance зніжаецца на 5,3%, да $89,98 тыс.
Курс крыптавалюты апусціўся ніжэй адзнакі $90 тыс. упершыню з 22 красавіка 2025 года.
Паўтара месяца таму, 6 кастрычніка, біткойн абнавіў гістарычны максімум, перавысіўшы $126 тыс., а потым пачалося зніжэнне: у пачатку лістапада ён апусціўся ніжэй за 100 тысяч.
Паводле меркавання аналітыкаў,нвестары адмаўляліся ад рызыкоўных актываў праз стрыманы падыход ФРС ЗША да зніжэння працэнтных ставак. У канцы кастрычніка амерыканскі рэгулятар другі раз запар знізіў ключавую стаўку на 25 базісных пунктаў — да 3,75−4% гадавых.
Каментары