Эканамічны суд Мінска распачаў працэдуру банкруцтва ў дачыненні буйной кампаніі-перавозчыка «ААА Салюшэнс», якая не здолела пагасіць даўгі і завяршыць ліквідацыю, распачатую яшчэ паўтара года таму, піша Office Life.
Праблемы ў кампаніі пачаліся яшчэ ў 2022 годзе: спачатку платформа Finstore.by абвясціла пра спыненне продажу яе токенаў праз невыкананне абавязацельстваў, а пазней Мінфін паведаміў пра дэфолт па аблігацыях — другі выпуск так і не быў пагашаны. У 2024 годзе «ААА Салюшэнс» ужо значылася сярод даўжнікоў, якія не разлічыліся перад інвестарамі.
У красавіку 2024‑га ўласнік кампаніі, «Бэнкс АС», прыняў рашэнне ліквідаваць бізнэс. Аднак адзін з крэдытораў — лізінгавая кампанія «Еўратайм» — падаў заяву аб банкруцтве, бо перавозчык не вярнуў ёй больш за 55 тысяч рублёў.
Прадстаўнік «ААА Салюшэнс» спрабаваў аспрэчыць банкруцтва, заяўляючы, што кампанія павінна крэдыторам 3,1 мільёна рублёў, але ёй самой нібыта павінны больш за 37 мільёнаў. Аднак у судзе высветлілася, што гэтая «дэбіторка» фактычна не мае каштоўнасці: 12 спробаў яе прадаць цягам 2024—2025 гадоў ні да чаго не прывялі. Цяпер яе зноў выстаўляюць на продаж 28 лістапада — з гіганцкім дысконтам 99,97%, усяго за крыху больш чым 11 тысяч рублёў.
У выніку суд прызнаў, што рэальных актываў у кампаніі няма, і адкрыў справу аб банкруцтве. Канчатковае рашэнне плануюць прыняць 12 лютага наступнага года.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5656
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ56
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары