Сёння клуб на сваім полі разграміў «Гомель» з лікам 5:0 і за тур да фінішу ўпершыню заваяваў залатыя медалі чэмпіянату краіны па футболе.
Мінскае «Дынама» выйграла ў «Дынама» Брэста 2:0 і будзе з сярэбранымі медалямі.
Мазырская «Славія» — трэцяя.
МЛ Віцебск — 67, Дынама Мінск — 62, Славія Мазыр — 54, Дынама Брэст, Мінск — 48…
«МЛ Віцебск» быў заснаваны ў 1971 годзе ў Рагачове як «Дняпро», гуляў у чэмпіянаце БССР, трэцяй і другой, потым першай лізе чэмпіянату Беларусі.
З 2021 года стаў называцца «Макслайн» (спонсар — букмекерская кампанія), у 2022 года выйшаў у вышэйшую лігу, але Беларуская федэрацыя футбола адмовіла ў ліцэнзаванні. Клуб перабраўся ў Віцебск, а ў 2025 годзе змяніў назву на «МЛ Віцебск».
Год таму заняў другое месца ў першай лізе і сёлета адразу выйграў вышэйшую лігу. То-бок у наступным годзе прадставіць Беларусь у кваліфікацыі Лігі чэмпіёнаў.
Дарэчы, у наступным годзе Беларусь прадставяць у еўракубках тры, а не чатыры каманды: «МЛ Віцебск» у кваліфікацыі Лігі чэмпіёнаў, мінскае «Дынама» і пераможца Кубка Беларусі, што вызначыцца наступнай вясной, у Лізе канферэнцый.
Вышэйшую лігу пакідаюць «Маладзечна» і «Слуцк», у яе выйшлі «Баранавічы» і «Дняпро» (Магілёў), а «Белшына» згуляе ў стыкавых матчах з клубам, што фінішуе ў вышэйшай лізе 14-м, гэта будзе або «Смаргонь», або «Нафтан», або «Віцебск.
Усё вызначыцца ў апошнім туры ў наступныя выходныя.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы71
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары