МЗС Беларусі заклікала Літву канчаткова ўрэгуляваць сітуацыю на сумеснай мяжы, заявіўшы пра вашынгтонскі абкам
Беларусь выступае за канчатковае ўрэгуляванне ўсіх пытанняў на мяжы з Літвой. Пра гэта 25 лістапада заявіў журналістам міністр замежных спраў Беларусі Максім Рыжанкоў, піша БелТА.
Максім Рыжанкоў назваў пазіцыю літоўскага кіраўніцтва адносна сітуацыі на сумеснай мяжы «адкрыта сітуацыйнай, эмацыянальна не стрыманай і ў пэўнай ступені нават істэрычнай».
«Праз іх пазіцыю сёння відавочна, што гэтымі палітыкамі рухаюць не інтарэсы народа, бізнэсу, сваёй краіны, ужо тым больш не нашай краіны і не Еўразвязу, а пэўныя ўстаноўкі, як мы любім казаць, брусельскага абкама і вашынгтонскага абкама.
Калі б гэтыя палітыкі прыслухаліся да меркаванняў сваіх грамадзян і іх далейшае знаходжанне на пасадах залежала б ад гэтага, яны б ужо тэрмінова ўступілі ў перамовы з беларускай бокам, як мы і прапануем, і ўрэгулявалі б увесь пласт адносін, звязаных з беларуска-літоўскай мяжой», — заявіў кіраўнік МЗС.
Паводле яго слоў, цяперашнія сітуацыйныя дзеянні Літвы на мяжы толькі ненадоўга могуць прыўнесці пэўны парадак. «Мы ж выступаем за канчатковае ўрэгуляванне ўсіх праблемных пытанняў на мяжы, каб яе функцыянаванне набыло ўстойлівы, прадказальны характар для грамадзян і бізнэсу нашых краін і трэціх дзяржаў, якія карыстаюцца гэтай мяжой. Вось наша прапанова. На жаль, пакуль Міністэрства замежных спраў Літвы не гатовае да такога роду перамоў», — дадаў міністр.
-
«Калі ты знаходзішся сам-насам з сабой, хочацца расплакацца, успамінаючы ўсё». Ірына Шчасная пра жыццё на волі і валанцёрства ва Украіне
-
Прадпрымальнік, звязаны з атачэннем Лукашэнкі, валодае адным з самых дарагіх рэстаранаў у Вільні і гатэлем у Троках
-
Дашкевіч чакае ад Бабарыкі і Калеснікавай публічнага прызнання памылак
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3
Каментары