Летась там працавалі работнікі з Туркменістана.
«Будтрэст №25» Баранавіч плануе прыцягнуць на працу муляроў з Пакістана, паведаміў намеснік генеральнага дырэктара па ідэалагічнай рабоце, сацыяльных пытаннях Віталь Логінаў падчас размовы з дэпутатамі Палаты прадстаўнікоў па міжнародных справах, паведамляе БелТА.
«Летась мы пачалі працаваць з агенцтвамі па падборы персаналу. Пачалі з грамадзян Туркменістана. Адны з першых у горадзе запусцілі гэтую працу, яна працягваецца да гэтага часу. У мінулым годзе ў нас працавалі 50 іншаземцаў, грамадзян Туркменістана. На сёння іх засталося каля 30 чалавек, самых надзейных, правераных хлопцаў», — сказаў Віталь Логінаў, дадаўшы, што заробак у іншаземных работнікаў у сезон вельмі дастойны.
Зараз ААТ «Будтрэст №25» вядзе работу па прыцягненні грамадзян Пакістана. Ужо падпісаны дамовы, афармляюцца дакументы. «Спадзяюся, праз тыдні два-тры нашы шэрагі папоўняцца пакістанцамі», — адзначыў намеснік генеральнага дырэктара.
На першапачатковым этапе плануецца прыцягнуць 10 муляроў.
Каментары
IQ 81