Намеснік начальніка ўпраўлення Следчага камітэта па Гомельскай вобласці Дзмітрый Сцяпанчыкаў расказаў БелТА, што ў Жлобіне айчым засыпаў чырвоны перац у рот і пад павекі свайму 9‑гадоваму пасынку, каб той прызнаўся ў крадзяжы.
Падазраючы дзіця ў крадзяжы кашалька ў маці, айчым спачатку паваліў яго на ложак, а затым «старэйшага хлопчыка прымусіў утрымліваць брата».
«Дзейнічаючы з асаблівай жорсткасцю, засыпаў пасынку ў рот чырвоны востры перац. На працягу катавання засыпаў перац пад павекі абодвух вачэй дзіцяці, прычыняючы асаблівыя фізічныя і псіхічныя пакуты», — расказаў прадстаўнік Следчага камітэта.
Маці хлопчыка была ў момант катаванняў у суседнім пакоі і не рэагавала на тое, што рабілася ў доме.
У выніку рашэннем Жлобінскага райвыканкама хлопчыка забралі з сям'і, ён цяпер знаходзіцца ў прыёмных бацькоў. Дзеянні айчыма кваліфікаваныя як катаванне, здзейсненае ў дачыненні да заведама непаўналетняга, які знаходзіцца ў залежным становішчы, а таксама як уцягванне заведама непаўналетняга ў здзяйсненне злачынства.
Справа мужчыны ўжо накіраваная ў суд.
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары