Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты
Хлопец расказаў, як успрыняў раптоўную славу і падзяліўся планамі на будучыню.
Той самы віцябчук Ігар Варахобаў, які паведаміў у Threads, што «бухі вяртаецца дадому», і прыцягнуў увагу мільёнаў, сам таго не чакаў.
«Не думаў, што так выстраліць. На шляху дадому вырашыў зрабіць фотаздымак і выкласці. Ніякага сэнсу ў гэтым асаблівага не было», — расказаў мужчына на АНТ.
Паводле яго слоў, ранкам, калі прачнуўся, ён нават не адразу ўзяў у рукі тэлефон:
«Пайшоў, зрабіў сабе каву. Патом прыйшоў, узяў тэлефон і… куча водгукаў, куча паведамленняў, куча ўсяго. Ужо былі паведамленні ад сяброў. Ужо ўсе былі ў курсе».
Прычым маштаб актыўнасці ў сацсетках стаў праблемай для гаджэтаў.
«Тысяча каментароў, паведамленняў. Усё вібрыруе. Тэлефон вібрыруе, [разумны] гадзіннік вібрыруе. Працаваць немагчыма. Я іх нават цалкам адключыў», — згадвае Ігар.
Не засталіся ў баку і сваякі. Па словах Ігара, родныя на яго славу «адрэагавалі нармальна», праўда, не абышлося без эмоцый:
«Маці трохі здзівілася, у шоку трошкі была. Пагаласіла трошкі. Але звыклася з гэтай думкай».
Ігар сцвярджае, што амаль усе водгукі ад незнаёмцаў былі станоўчымі і пазітыўнымі.
На пытанне аб тым, што для яго шчасце, мужчына адказвае:
«Для мяне шчасце — дастаткова цяжкае пытанне. Хочацца ўжо ўсё ж такі нешта памяняць, пачаць жыць з чыстага ліста, пераехаць куды-небудзь».
Геаграфія патэнцыйнага пераезду абмяжоўваецца межамі краіны:
«Я разглядаў Гродна, Брэст. Застацца ў Беларусі, але змяніць горад. Калі будуць варыянты, то, можа, Мінск».
Хлопец расказаў, што па адукацыі ён кухар, але працаваў на розных спецыяльнасцях у розных месцах. Апошнія некалькі месяцаў у яго былі думкі змяніць месца працы.
Што тычыцца асабістых адносін, то, па словах Ігара, у яго сацыяльных сетках цяпер «нявест штук пад сто». Але ні з адной з іх ён яшчэ не ўступаў у перапіску. І на тое, што яна можа даць нейкі эфект, Ігар выказвае вялікія сумневы.
«Сур’ёзных адносін у мяне ў прынцыпе не было за ўсё жыццё. Таму нават і тыпажа асаблівага няма. Але спадзяюся, што сустрэну і зразумею, што гэта яна», — даводзіць Ігар.
Нягледзячы на мільёны праглядаў у інтэрнэце, па словах Ігара, на вуліцы яго ніхто не пазнае.
«Той здымак быў проста ў моманце. Гэта быў момант майго жыцця. Наколькі гэта будзе цікава далей, ніхто не ведае», — цвяроза ацэньвае сітуацыю Ігар.
А пакуль мужчына знаходзіцца ў зеніце сваёй раптоўнай славы, ён карыстаецца яе «бонусамі». Нядаўна ён напісаў у Threads, што 11 снежня ад адной з турыстычных кампаній едзе ў Цярыберку, што ў Мурманскай вобласці, — «паляваць на паўночнае ззянне і кітоў».
Паклікаць Ігара на стрым хацеў і прапагандыст Рыгор Азаронак, але нарваўся на менеджара мужчыны, які запрасіў за інтэрв'ю 2000 даляраў. На што прапагандыст абурыўся, што «набегла буржуйства».
За забойства чалавека ў ІЧУ Барысава арыштавалі двух зэкаў-рэцыдывістаў і 26‑гадовага міліцыянера Кляшчонка8
Каментары
😁
Менеджер у тебя шикарный — не из офиса президента соседней страны,случайно?
Рэд., а да чаго гэта заўвага тут?) у вас што - сайт знаёмств?)